O ano pasado estreamos o que para algúns foi a nosa “opera prima”. Non tiñamos experiencia e atrevémonos. O resultado vístelo no salón de Actos Martín Códax do Ies Beade. Este ano propuxéronnos organizar un festival e aquí tedes o resultado: un feixe de curtas de excelente calidade feitas polo alumnado do Instituto. O ano que vén queremos máis. Se vos gusta o que vedes pensade en como será ver algo feito por vós e recibirdes os aplausos do público admirador.
Benvidos ao I Festival de Curtametraxes do Ies Beade.
AS CRÓNICAS DE LUÍS D.
- Un superheroe disposto a destruír coas súas mans o planeta. É un vilán ou un superheroe? Se fose pola súa vestimenta diriamos que é un temíbel inimigo.
Reparto
Guión e Dirección: Luís Daniel
METAMORFOSE
- Unha lección de botánica, unha lección maxistral de física, unha curta de animación feita con Stop Motion. Todo un alarde no dominio da animación en 2D.
Reparto
Guión e Dirección: Luís Daniel
A ARCA DE NOÉ
- A precariedade laboral e as discusións sindicais xa existían en tempos bíblicos. Berea Rodríguez, a guionista desta curta, utiliza o dioivo universal para facer unha sátira sobre a explotación dos traballadores.
Reparto
Guión e Dirección: Berea Rodríguez
Deus: Gabriel Estévez
Noé: Marcos Oitabén
Narradora: Laura Rodríguez
UN SOÑO PARA ESPANTAR
- Unha bruxa co poder de converter en espantallos unhas nenas adíctas ás redes sociais é incapaz de arranxar a súa vasoira voadora. Así arranca esta película coa que Luís D, o seu guionista, quere facernos reflexionar sobre cómo xogaban os nosos maiores e cómo xogan hoxe os máis cativos. Unha película protagonizada por un mundo de fantasía que se resiste a ser vencido pola imaxinación virtual dos modernos xogos tecnolóxicos. Mentres os que xogan correndo entre a natureza son recompensados descubrindo un mundo marabilloso outras, as nenas adictas ao móbil, son castigadas coa eterna inmobilidade.
Reparto
Dirección: Rocío Cruces
Guión e Trasno: Luis Daniel
MATAR A FICCIÓN DUN CAN
- O Director e guionista desta película escolleu o branco e negro e a ausencia de palabras para transmitirnos do xeito máis acedo unha realidade estarrecedora. Un home séntese perdido despois de ser despedido do seu traballo. Cine documental, directo e na mellor tradición do cine negro.
Reparto
Guion, Dirección e Música: Víctor L.G.
Actor: Mario González
O Festival de Curtametraxes do Ies Beade está organizado por:
A Asociación de Nais e Pais do Ies Beade
O Obradoiro de Edición de Vídeo do Ies Beade
Normalización Lingüística do Ies Beade
Televisión do IES Beade 