Feeds:
Artigos
Comentarios

Archive for the ‘inicio’ Category

Compartimos imaxes de varios dos proxectos presentados este ano. Non están todos. Deixamos fóra por fatal despiste os traballos do Obradoiro de Reciclaxe e o expositor de Xogos Cooperativos. Na web do centro hai fotos para os máis curiosos. Este ano tivemos a visita de moitos pais e todos ficaron con moitas arelas de para o ano que vén moito máis e mellor porque para nosoutros si é posíbel.

Read Full Post »

Coa intención de captar a atención do público durante a presentación da revista deste ano decidimos facer unha campaña de publicidade e aproveitarmos as capacidades plegadoras de tres voluntarios. Nas imaxes falta Iván Lobariñas que se nos puxo maliño e non puido participar a última hora. O vídeo deu algunha lata para a súa edición a cámara rápida pero non importa porque o resultado é algo cómico. Sabemos onde nos equivocamos e deixámolo estar porque non aspirarmos á perfección. Grazas a Andrés Vázquez pola súa axuda. Sen el probabelmente Yoda tería unha orella máis longa ca a outra.

Read Full Post »

Despois de moito tempo volvemos a publicar unha tradución en Ted.com. Ultimamente desde aquí andamos sen tempo e parece que a comunidade de tradutores é tan xigantesca que os administradores de Ted.com teñen cada vez máis dificultades para aprobar as traducións. Pasaron moitos meses mais cremos que compensou a espera porque esta disertación é interesantísima e nos descobre que os animais teñen máis sentidiño do que pensabamos.
Animamos desde aquí a que quen nos lea se anime a participar na comunidade de tradutores en galego. Paga a pena facer comprensíbeis estas conferencias e son un material moi valioso para as aulas.

Read Full Post »

Despois de moitos meses apagados recuperamos a actividade de tradución de disertacións na http://www.ted.com. Esta vez, e non é a primeira, escollemos o relatorio dun científico que traballa para vencer o cancro. Agora sabemos que a combinación entre a informática, en concreto a programación, e a microbioloxía pode chegar a ser un medio moi rápido para detectar e se cadra destruír os tumores.

Read Full Post »

Levaba este documental moitos anos gardado e agora que estamos a argallar un proxecto moi ligado con este traballo, feito xa hai máis de 10 anos, decidimos compartilo. Está feito cun micrófono moi cativo e unha cámara moi sinxela. Esperamos que sexa do voso interese non pola calidade das imaxes senón polo seu contido didáctico. Cremos que o ten. O triste é que todas esas mámoas e petrogrifos seguen sen ser postos en valor.

Read Full Post »

Logo de algún tempo subimos por fin o concerto. Está practicamente íntegro. Respectamos a vontade dos músicos e só compartimos un fragmento da obra máis longa: marimba espiritual. A demora en subirmos os vídeos débese á espera do permiso dos músicos e que chegou o verán e non todo saiu como pensabamos. En fin xa todo está arranxado e todos podemos outra vez gozar do concerto.
Moitas grazas aos músicos: Naira Pérez, Agustín Rodríguez de Guzman, Jesús Álvarez, Fernando Vidal e ao seu profesor: Carlos Castro por aceptaren a nosa invitación. Un luxo que nos enorgullece ciber-compartir.

O primeiro é a obra de percusión “5 Historias”:

O segundo é a súa versión de Good cup, Bad cup:

O tercerio é o fragmento de “Marimba Spiritual”. (puro espectáculo)

Por último moita alegría. Unha Batucada para nós:

Read Full Post »

Desde hai anos Lego revolucionou o mundo do xoguete. Este robot é capaz, se o sabes programar, de facer cousas incríbeis. Temos xa aberto neste blog outra experiencia fascinante no instituto que podes visitar aquí Non esquezas entreterte navegando polas ligazóns do texto. Se xa os coñeces por que non ves este e valoras o interese que ten este robot para nada de xoguete? Clica aquí.

Read Full Post »

Este vídeo foi feito, creo que no ano 2002, por un grupo de alumnas e un alumno do Ies de Beade. Aproveitamos unha serie de anuncios da tele para ilustrar os clichés tradicionais que sobre a muller veñen habendo e tamén a emerxencia dunha visión máis adaptada a, como mínimo, o que entendemos hoxe por politicamente correcto.
A primeira metade é unha exposición sobre o nacemento do feminismo, a muller en Galicia e tres breves entrevistas a unha avoa, nai e filla. A segunda metade está centrada na análise do uso da muller na publicidade.
Esperamos que vos sexa de proveito. Xa ten uns anos pero sabemos que foi utilizado en máis dunha ocasión ante un público feminino e tamén feminista cunha boa recepción.

Read Full Post »

Os Departamentos de Lingua inglesa e Galega en colaboración coa Biblioteca do Ies de Beade organizamos a visita e actuación de Tim Bowley. É a segunda vez que nos visita e, xa que algo de confianza gañamos, aceptou concedernos un pouco do seu tempo para responder a unhas preguntas. Tim leva moitos anos recollendo historias sabias de todo o mundo e compartíndoas con todos os que o queiramos escoitar. Estivo vivindo un tempo en Galicia, agora de volta en Inglaterra  segue visitándonos de cando en vez e xunto con Charo Pita percorren o país contando en galego e inglés as súas historias.

Non hai moito material sobre Tim en internet. Está a súa páxina web e moi pouca mostra do seu traballo  en vídeo porque prefire como é lóxico o contacto directo co público. Por esta razón pareceunos moi interesante subir, co seu permiso, esta entrevista e un orgullo para nós facer de intermediarios.

Read Full Post »

O departamento de Matemáticas animou o alumnado de 3º da Eso a contruír un triángulo de Sierpinski con latas de refresco. Bonito xeito de lle dar unha vida útil e intelixente ao lixo. Ao longo do proceso o noso vídeo artista Luís D. foi fotografando o proceso para ao final facermos a montaxe que vos amosamos. Debemos engadir que nos pareceu unha boa idea utilizar como banda sonora unha peza de música fractal. De sempre, xa desde tempos de Pitágoras as grandes mentes viron na música unha especial relación coas matemáticas o que levou a moitos pensadores algo máis místicos a considerar a música como a arte máis perfecta xa que na súa natureza demostraba conter a perfección das matemáticas.

Para os máis curiosos deixamos o froito dalgunha mente marabillosa coma esta que para se lembrar de toda a sucesión de decimais do número Pi compuxo unha melodía en que cada nota se corresponde con cada un dos decimais presentes na cadea. Se sabedes de teoría musical e armonía velaquí tedes outro vídeo sobre a relación entra a música e a sucesión de Fibonacci

Read Full Post »

« Newer Posts - Older Posts »